فلسطینی شہر غزہ کی پٹی میں اسلامی تحریک مزاحمت ‘‘حماس’’ نے اتوار کے روز مصری بارڈر فورسز کے پندرہ فوجیوں کی نا معلوم دہشت گردوں کے
ہاتھوں ہلاکت پر تعزیتی کیمپ کا اہتمام کیا گیا۔ تعزیتی کیمپ میں دن بھر شہریوں کی آمد و رفت جاری رہی۔ غزہ کے شہر حماس کے لگائے گئے تعزیتی کیمپ میں مہلوک مصری فوجیوں کی شہادت کی قبولیت اور بلندی درجات کی دعائیں کرتے رہے۔
حماس کے میڈیا مرکز کی جانب سے جاری ایک بیان میں بتایا گیا ہے کہ جماعت کی جانب سے اتوار کے روز مصری فوجیوں کی نامعلوم افراد کی ہلاکت کے بعد مصری قوم سے یکجہتی کے لیے ایک تعزیتی کیمپ لگایا۔ یہ کیمپ غزہ کی پٹی میں مصری سفارت خانے کےباہر لگایا گیا، جس میں غزہ کے شہریوں کے علاوہ مصری اور دیگرغیرملکی شہریوں کی بڑی تعداد نے شرکت کی۔
پیر کے روز دن بھر جاری رہنے والے اس تعزیتی کیمپ کو شام کے وقت وزیراعظم اسماعیل ھنیہ نے بھی دورہ کیا اور انہوں نے خود ہی وہاں پر موجود ہزاروں افراد کی تراویح کی نماز کی امامت کرائی۔ نماز تراویح کے بعد مارے جانے والے مصری فوجیوں کے ایصال ثواب کے لیے فاتحہ خوانی بھی کی گئی۔ یاد رہے کہ اتوار کے روز مصر اورغزہ کی سرحد کے قریب نامعلوم افراد کے حملے میں کم سے کم پندرہ مصری فوجی مارے گئے تھے۔
بشکریہ: مرکز اطلاعات فلسطین