رپورٹ میں بتایا گیا ہے کہ مغربی رام اللہ میں سوموار کی شام دو فلسطینی نوجوانوں نے یہودی خواتین پر چاقوؤں سے حملے کیے جس کے نتیجے میں ایک خاتون شدید زخمی جب کہ دوسری کو درمیانے درجے کے زخم آئے ہیں۔
رپورٹ کے مطابق دونوں فلسطینی حملہ آوروں کو اسرائیلی فوجیوں نے گولیاں مار کرشہید کردیا اوران کی میتیں قبضے میں لے لی گئی ہیں۔
ایک مقامی فلسطینی رابطہ کار نے بتایا کہ شہید ہونے والے ایک نوجوان کی شناخت ابراہیم اسامہ یوسف کے نام سے کی گئی ہے جس کی عمر 22 سال ہے جب کہ دوسرے کی شناخت حسین محمد ابو غوش کے نام سے کی گئی ہے جس کی عمر 17 سال ہے اور اس کا آبائی تعلق بیت المقدس سےہے۔
خیال رہے کہ اسرائیلی میڈیا کے مطابق پچھلے سال اکتوبر کے بعد سے فلسطین میں جاری تحریک انتفاضہ کے دوران فلسطینی مزاحمت کاروں نے صہیونیوں پر 240 قاتلانہ حملے کے ہیں جن میں 29 صہیونی ہلاک اور سیکڑوں زخمی ہوئے ہیں۔