نابلس (فلسطین نیوز۔مرکز اطلاعات) فلسطین کے علاقے غزہ کی پٹی پر فلسطینی اتھارٹی اور اسرائیل کی طرف سے عائد کردہ پابندیوں کے خلاف احتجاجی مظاہرے جاری ہیں۔
فلسطین نیوز کو موصول ہونے والی اطلاعات کے مطابق آج ہفتے کو غرب اردن کے شمالی شہر نابلس میں عصیرہ کے مقام پر ایک احتجاجی ریلی نکالی گئی۔ ریلی میں خواتین اور بچوں سمیت شہریوں کی بڑی تعداد نے شرکت کی۔ انہوں نے ہاتھوں میں بینرز اور کتبے اٹھا رکھے تھے جن پر غزہ پر عائد پابندیاں اٹھانے اور انتقامی سیاست ختم کرنے کے مطالبات درج تھے۔مظاہرے سے خطاب میں مقررین نے فلسطینی اتھارٹی کی انتقامی سیاست کو کڑی تنقید کا نشانہ بنایا اور کہا کہ غزہ کی پٹی کے خلاف فلسطینی اتھارٹی کے اقدامات پر پوری فلسطینی محصورین غزہ کے ساتھ کھڑی ہے۔
مظاہرین نے فلسطینیوں میں انتشار اور بے اتفاقی کے خاتمے اور قومی یکجہتی پر زور دیا۔
خیال رہے کہ فلسطین کے علاقے غزہ کی پٹی پر اسرائیلی فوج کی طرف سے مسلط کردہ پابندیوں کے خلاف رام اللہ اور دیگر فلسطینی شہریوں میں روزانہ کی بنیاد پر احتجاجی مظاہرے جاری ہیں۔
فلسطینی صدر محمود عباس نےاپریل 2017ء کو غزہ کی پٹی پر پابندیاں عائد کرتے ہوئے علاقے کو بجلی، پانیÂ اور صحت کے سنگین بحرانوں میں ڈال دیا تھا۔
فلسطینی اتھارٹی کی طرف سے غزہ کی پٹی کے سرکاری ملازمین کی تنخواہوں میں کمی کردی گئی تھی اور بہت سے سرکاری ملازمین کو قبل از وقت جبری ریٹائرڈ کردیا گیا تھا۔