سیکڑوں قابض یہودیوں نے مغربی کنارے کے شہر نابلس کے احاطے میں فلسطینیوں پر حملے شروع کردیے۔ یہ حملے فلسطینی شہری کی جانب سے ایک یہودی کو خنجر کے وار کرکے جہنم واصل ہونے کے بعد شروع ہوئے۔ سیکڑوں کی تعداد میں یہودیوں نے مسلمانوں کو تشدد کا نشانہ بنانا شروع کردیا ہے۔
عینی شاہدین کے مطابق سیکڑوں یہودی نابلس کی مختلف شاہراہوں پر گشت کر رہے ہیں اور مسافروں کو زدوکوب کر رہے ہیں۔ عینی شاہدین نے بتایا کہ نابلس اور رام اللہ کی درمیانی شاہراہ پر جنونی یہودیوں نے فلسطینی گاڑیوں پر زبردست پتھراؤ بھی کیا جس سے متعدد گاڑیوں کو نقصان پہنچا۔
ادھر ’’یتسھار‘‘ کے قریب صہیونی آباد کاروں نے زیتون کے درختوں کو آگ لگا دی اور قریب موجود متعدد گھروں پر حملہ کردیا۔ متعدد آباد کاروں فلسطینی رہائش گاہوں پر پتھراؤ کرتے رہے، ان سب کارروائیوں کے دوران اسرائیلی فوجی اہلکار خاموشی تماشا دیکھتے رہے۔
بیت دجن کے ٹاؤن میں اسرائیلی فوج نے اس ٹاؤن کے داخلی راستے کو بند کردیا اور ہر آنے جانے والی فلسطینی گاڑی کی تلاشی لینا شروع کردی ہے۔ اس دوران مسافروں سے سخت تفتیش بھی شروع کردی گئی ہے۔
بشکریہ:مرکز اطلاعات فلسطین