اسرائیلی قابض حکام نے اسرائیلی جیلوں میں قید اسیران میں سب سے عمر رسیدہ اسیر شیخ نزیہہ ابو عون کو خرابی صحت کے باوجود رہا کرنے سے انکار کردیا ہے۔
فلسطینی سنٹر برائے مطالعہ اسیران نے ایک بیان میں بتایا ہے کہ 51 سالہ ابو عون کو 5 مئی 2011ء کو گرفتار کیا گیا تھا اور انہیں اس وقت سے اب بغیر کسی مقدمے یا الزام کے انتظامی حراست میں رکھا گیا ہے۔
سنٹر کی مقبوضہ مغربی کنارے میں ترجمان امینہ الطویل نے مرکز اطلاعات فلسطین کے نمائندے کو بتایا ہے کہ اسرائیلی حکام نے ہداریم جیل میں قید ابو عون کو دھمکی دی ہے کہ ان کی قید میں توسیع کردی جائے گی۔ ان کا کہنا تھا کہ اسرائیلی جیلوں میں 17 سال گزارنے والے ابو عون کی آنکھوں میں شدید درد ہے۔
ابو عون ایک بار اپنے آبائی علاقے جبہ گائوں کی بلدیہ کونسل کے ممبر منتخب ہوگئے تھے اور وہ اسیران کے حقوق کا تحفظ کرنے کی وجہ سے جانے جاتے تھے۔
بشکریہ:مرکزاطلاعات فلسطین