اسرائیل کے سابق وزیردفاع بنجمن الیعیزر نے سابق مصری نائب صدر جنرل عمرسلیمان کی وفات پر گہرے دکھ اور صدمے کا اظہار کرتے ہوئے کہا ہے کہ عمرسلیمان اسرائیل کا ایک بہترین خادم تھا جس نے حماس کو تقسیم کرنے اور اس میں پھوٹ ڈالنے کی کوشش کی۔
مرکزاطلاعات فلسطین کے مطابق جنرل عمرسلیمان کی وفات پر تبصرہ کرتے ہوئے کہا کہ اسرائیل آج اپنے ایک بہترین دوست اور بہی خواہ سے محروم ہوگیا ہے۔حقیقی معنوں میں عمرسلیمان اسرائیلیوں کا دوست نہیں بلکہ خادم تھا۔ اس نے وہی کچھ کیا جو اسرائیل نے کہا۔ عمرسلیمان نے اسرائیل دشمن فلسطینی جماعت حماس کو توڑنے کی کوشش کی آج ہم ایک عظیم دوست سے محروم ہو گئے ہیں۔
خیال رہے کہ سابق مصری نائب صدر جنرل عمرسلیمان گذشتہ جمعرات کو امریکا کے ایک اسپتال میں ایک موروثی مرض کے باعث وفات پاگئے تھے، انہیں ہفتے کے روز مصرمیں سپرد خاک کیا گیا، جہاں مذہبی جماعتوں نے اس کی نماز جنازہ میں شرکت کا بائیکاٹ کر رکھا تھا۔