غزہ میں دورے پر آئے عرب تاجروں کے ایک وفد کے سربراہ اور فلسطینی تاجروں کے فورم کے سربراہ جمال کریم نے غزہ میں سرمایہ کاری کرنے کا عہد کیا ہے تاکہ غاصب اسرائیلیوں کا مقابلہ کرنے والے غزہ کے باشندوں کی ثابت قدمی کی حمایت کی جائے۔
کریم نے یہ بیان موفینبیک ہوٹل میں دورے پر آئے تاجروں کے اعزاز میں وزارت معیشت کے زیر اہتمام تقریب سے خطاب کرتے ہوئے دیا۔
وفد کے سربراہ نے کہا کہ ان کے غزہ دورے کا مقصد یہاں کے سرمایہ کاری کے ماحول سے آشنائی حاصل کرنا ہے۔ انہوں نے مزید بتایا کہ سیناء میں اغوا کے واقعہ کے بعد ملتوی ہونے والی سرمایہ کاری کانفرنس جلد منعقد کی جائے گی۔
انہوں نے کہا کہ ” قوم جاگ چکی ہے اور یروشلم کو صیہونی شکنجے سے آزاد کروانے کے لئے مزاحمت کرنے کا صحیح موقع تلاش کررہی ہے۔”
فلسطینی وزیر معیشت علاء رفاتی نے کہا کہ غزہ پر مسلط کئے جانے والے اسرائیلی محاصرے نےغزہ کے عوام کوکام کرنے، اشیاء بنانے اور ترقی کرنے کا جذبہ دیا ہے۔
رفاتی نے مزید بتایا ہے کہ قابض حکام کی بے انصافی پر مبنی پالیسیاں اس وقت تک کامیاب نہیں ہوں گی جب تک فلسطین کے بچوں میں خواہش، عزم اور مسئلہ فلسطین کو اٹھانے کی ہمت باقی ہے۔
بشکریہ:مرکزاطلاعات فلسطین