الخلیل (فلسطین نیوز۔مرکز اطلاعات) فلسطین کے مقبوضہ مغربی کنارے کے جنوبی شہر الخلیل میں قائم کریات صیہونی کالونی میں خوفناک آگ بھڑک اٹھی۔
فلسطین نیوز کو موصول ہونے والی اطلاعات کے مطابق صیہونی کالونی میں ایک زور دار دھماکے کی آواز سنی گئی جس کے بعد خوفناک آگ بھڑک اٹھی۔عینی شاہدین نے بتایا کہ آتش زدگی کے بعد اسرائیلی فوج اور فائر بریگیڈ کا عملہ جائے وقوعہ کی طرف روانہ ہوگیا تاہم آتش زدگی کی وجہ معلوم نہیں ہو سکی۔
صیہونی کالونی میں آتش زدگی کے بعد جگہ جگہ اسرائیلی فوج نے چیک پوسٹیں قائم کرکے فلسطینیوں کی نقل وحرکت بند کردی تھی۔