صیہونی پولیس نے مشتبہ پیکٹ کی آڑ میں باب الاسباط سیل کردیا

مقبوضہ بیت المقدس (فلسطین نیوز۔مرکز اطلاعات) اسرائیلی پولیس نے پرانے بیت المقدس میں باب الاسباط میں مشکوک پیکٹ کی موجودگی کی بناء پر علاقے کو سیل کردیا۔

فلسطین نیوز کو موصول ہونے والی اطلاعات کے مطابق مقامی سماجی کارکن احمد البدیری نے بتایا کہ پولیس نے باب الاسباط کے تمام داخلی اور خارجی راستے سیل کردیے اور کہا کہ علاقے میں چونکہ مشکوک پیکٹ کی موجودگی کی اطلاع ملی ہے۔ اس لیے  پولیس اس علاقے میں تلاشی لے رہی ہے۔

البدیری کا کہنا تھا کہ اسرائیلی فوج نے فلسطینی شہریوں کو اور غیرمقامی افراد کو باب الاسباط میں داخل ہونے سے روک دیا۔