قابض اسرائیلی فوج نے الخلیل کے مختلف علاقوں سے مقامی بلدیہ کے چئیرمین اور دو نوجوانوں کو حراست میں لے لیا۔
مقامی ذرائع نے خبررساں ایجنسی قدس پریس کے نمائندے کو بتایا کہ اسرائیلی فوجیوں نے بیت لحم کے گائوں دئیر صلاح پر دھاوا بول دیا اور وہاں کی بلدیہ کے چئیرمین خلیل مبارک کو گرفتار کرلیا۔
اس کے علاوہ صیہونی فوج کے کچھ اور دستوں نے دھیشا مہاجر کیمپ پر بھی دھاوا بول دیا اور وہاں سے 19 سالہ نوجوان کو اس کے آبائی گھر سے گرفتار کرلیا۔ اس کاروائی کے دوران فوجیوں نے گھر کے سامان کو تہس نہس کرکے رکھ دیا تھا۔
اسرائیلی فوجیوں نے قدیم الخلیل سے ایک اور فلسطینی شہری عمر صلائمہ کو گرفتار کرلیا تھا۔ دریں اثناء یطہ کے مقامی افراد نے قدس پریس کو بتایا کہ صیہونی فوجیوں اور یہودی آبادکاروں نے ام الخیر کے کسانوں کو کھیتوں میں جانے سے روک دیا اور ان پر حملہ کردیا۔
بشکریہ:مرکزاطلاعات فلسطین