الخلیل (فلسطین نیوز۔مرکز اطلاعات) اسرائیلی فوج نے فلسطین کے علاقےغرب اردن کے جنوبی شہر الخلیل میں ایک چھاپہ مار کارروائی کے دوران سماجی کارکن اور اسیران مرکز کے ڈائریکٹر کو حراست میں لینے کے بعد نامعلوم مقام پرمنتقل کردیا۔
فلسطین نیوز کو موصول ہونے والی اطلاعات کے مطابق صیہونی فوج نے فلسطینی سماجی کارکن 35 سالہ اسامہ حسین شاھین کو جنوبی الخلیل میں دورا کے مقام سے گرفتار کیا جس کے بعد انہیں کسی نامعلوم مقام پر منتقل کر دیا گیا ہے۔ادھر فلسطینی اسیران اسٹڈی سیںٹر کی طرف سے جاری کردہ ایک بیان میں بتایا گیا ہے کہ اسرائیلی فوج نے جمعرات کو علی الصباح شاھین کے گھر پر چھاپہ مارا اور انہیں گرفتار کرلیا۔
اسرائیلی فوج نے گرفتاری کے وقت اسامہ شاھین کے گھر میں قیمتی سامان کی بھی توڑپھوڑ کی۔
اسیران مرکزنے ڈائریکٹر اسامہ حسین شاہین کی گرفتاری کی شدید الفاظ میں مذمت کی اور کہا کہ یہ ان کی پہلی گرفتاری نہیں۔ انہیں اس سے قبل بھی متعدد بار گرفتارکرکے تشدد کاÂ نشانہ بنایا جا چکا ہے۔