الکرامہ (فلسطین نیوز۔مرکز اطلاعات) اسرائیلی فوج نے مغربی کنارے سے اردن کے واحد زمینی راستے الکرامہ کراسنگ پر فلسطینی دانشور اسید فطایر کو گرفتار کر لیا ہے۔
فلسطین نیوز کو موصول ہونے والی اطلاعات کے مطابق فطایر کے خاندان والوں نے بتایا کہ انہوں نے جمعرات کی شام کو گھر واپس پہنچنا تھا مگر ان کی آمد کی جگہ ان کی گرفتاری کی خبر گھر پہنچ گئی۔ان کا مزید کہنا تھا کہ اسید نے ابھی حال ہی میں اردن کی یرموک یونیورسٹی سے اسلامی معیشت میں پی ایچ ڈی کی ڈگری حاصل کی ہے۔
اسرائیلی فوج نے مختلف اوقات میں الکرامہ کراسنگ سے گزرنے والے فلسطینی شہریوں کو حراست میں لیا ہے جس سے فلسطینیوں کی مشکلات میں اضافہ ہورہا ہے۔