مقبوضہ بیت المقدس (فلسطین نیوز۔مرکز اطلاعات) اسرائیل کے پراسیکیوٹر جنرل نے ایک فلسطینی نوجوان کے خلاف فرد جرم پیش کی ہے جس میں الزام عائد کیا گیا ہے کہ ملزم نے ایک اسرائیلی فوجی کے سر میں پتھر دے مارا تھا۔
فلسطین نیوز کو موصول ہونے والی اطلاعات کے مطابق اسرائیلی پراسیکیوٹر جنرل کی طرف سے پیش کی گئی فرد جرم میں کہا گیا ہے کہ 20Â سالہ اسلام ابو حمید نے غرب اردن کے وسطی شہر رام اللہ میں الامعری پناہ گزین کیمپ پر دھاوے کے دوران ایک فوجی کے سرمیں ایک بڑا پتھر دے مارا تھا۔عبرانی ٹی وی 10 کے مطابق فرد جرم میں کہا گیا ہے کہ فلسطینی لڑکے نے قتل کے ارادے سے اسرائیلی فوجی کے سر میں پتھر مارا تھا جس کے نتیجے میں فوجی زخمی ہوگیا تھا۔ فرد جرم میں عدالت سے کہا گیا ہے کہ وہ ملزم کو قید کی سزا دینے کے ساتھ ساتھ زخمی فوجی کو ہرجانہ ادا کرنے کا بھی حکم صادر کرے۔
ادگر اسرائیلی فوج نے 20 سالہ نور الشناوی کے خلاف بھی فردم جرم پیش کی ہے۔ النشاوی کو اسرائیلی فوج نے ٹانگ میں گولیاں مارنے اور زخمی کرنے کے بعد حراست میں لے لیا تھا۔