مقبوضہ بیت المقدس (فلسطین نیوز۔مرکز اطلاعات) اسرائیل کی مرکزی عدالت نے مقبوضہ بیت المقدس سے تعلق رکھنے والے تین فلسطینی نوجوانوں کو قید اور جرمانوں کی سنگین سزائیں سنائی ہیں۔
فلسطین نیوز کو موصول ہونے والی اطلاعات کے مطابق تینوں فلسطینیوں کا تعلق بیت المقدس کی صور باھر کالونی سے ہے۔
رپورٹ کے مطابق فلسطینی شہری محمد ابوکف کو 15 سال قید اور 50 ہزار شیکل جرمانہ، ولی الاطرش کو 13 سال چھ ماہ قید اور 50 ہزار شیکل جرمانہ اور علی عیسٰی کو 9 سال قید اور 25 ہزار شیکل جرمانہ کی سزا سنائی گئی۔تینوں فلسطینیوں کو ستمبر 2015ء کے دوران الیکذنڈر لیبلو فیٹچ نامی ایک صیہونی آباد کے قتل کے الزام میں یہ سزائیں سنائی گئیں۔ انہوں نے صیہونی آباد کار کی گاڑی پر سنگ باری کی تھی جس کے نتیجے میں الیکذنڈر لیبلو فیٹچ ہلاک ہوگیا تھا۔