اریحا (فلسطین نیوز۔مرکز اطلاعات) اسرائیلی فوج نے فلسطین کے مقبوضہ مغربی کنارے کے شہر اریحا میں فلسطینیوں کو زیرتعمیر سات مکانات کی تعمیر مکمل کرنے سے روک دیا ہے۔
فلسطین نیوز کو موصول ہونے والی اطلاعات کے مطابق اسرائیلی فوج نے گذشتہ روز اریحا میں قائم ’عقبہ جبر‘ پناہ گزین کیمپ میں فلسطینیوں کے سات زیرتعمیر مکانات کی تعمیر روکنے کے نوٹس جاری کیے۔مقامی تجزیہ نگار عارف دراغمہ کا کہنا ہے کہ صیہونی فوج نے فلسطینیوں کے سات زیرتعمیر مکانات کو غیرقانونی قرار دے کر ان کی تعمیر روک دی۔
خیال رہے یہ فلسطینیوں کے گھروں کی مسماری اور تعمیر پر پابندی اسرائیل کی روز مرہ کی پالیسی بن چکی ہے۔ آئے روز قابض صیہونی ریاست فلسطینیوں کے گھروں کو مسمار کرتی، ان پر قبضہ کرتی یا ان کی تعمیر ومرمت روکنے کے نسل پرستانہ اقدامات کی مرتکب ہوتی ہے۔