مقبوضہ بیت المقدس (فلسطین نیوز۔مرکز اطلاعات) فلسطین کے شہر مقبوضہ بیت المقدس میں اتوار کو ایک کاروباری مرکز میں فلسطینی نوجوان نے صیہونی آباد کار کو چاقو گھونپ کر زخمی کر دیا۔ اس موقع پر موجود اسرائیلی پولیس نے فلسطینی شہری کو گولی مار کر زخمی کردیا۔
فلسطین نیوز کو موصول ہونے والی اطلاعات کے مطابق اسرائیلی پولیس کا کہنا ہے کہ واقعے کے پیچھے مجرمانہ ذہیت کار فرما ہے۔پولیس نے فلسطینی نوجوان کو گولی مار دی جس کے نتیجے میں وہ بھی زخمی ہو گیا۔
اسرائیل کے عبرانی ذرائع ابلاغ کے مطابق یہ واقعہ اتوار کو القدس میں ’ھدار‘ نامی ایک تجارتی مرکز میں پیش آیا۔ فلسطینی شہری نے تجارتی مرکز میں گھس کر ایک صیہونی آباد کو چاقو گھونپا جس کے نتیجے میں وہ شدید زخمی ہوگیا۔ پولیس نے فلسطینی حملہ آور کو گولیاں مار کر زخمی کیا جسے بعد ازاں گرفتار کرلیا گیا۔