(فلسطین نیوز۔مرکز اطلاعات) صہیونی فوج نے 64 دن سے بھوک ہڑتال کرنے والے فلسطینی صحافی محمد القیق کو آج عدالت میں پیش نہ کرنے کا فیصلہ کیا ہے۔ دوسری جانب اسرائیلی سپریم کورٹ نے بھی فوج کو ملزم کو پیش نہ کرنے کا استثنیٰ دے دیا ہے۔
رپورٹ کے مطابق اسرائیل کی سپریم کورٹ میں فلسطینی بھوک ہڑتالی صحافی محمد القیق کی بھوک ہڑتال سے متعلق دائر درخواست کی سماعت ہوگی۔ اس موقع پر عدالت نے ملزم کو پیش کرنے کا بھی حکم دیا تھا تاہم اسرائیلی جیل انتظامیہ نے عدالت کو جواب دیا ہے کہ ملزم بھوک ہڑتال کی وجہ سے عدالت میں پیش نہیں ہوسکتا۔ اس پرعدالت نےجیل انتظانیہ کو اسے عدالت میں پیش نہ کرنے کا استثنیٰ دے دیا ہے۔فلسطینی بھوک ہڑتالی صحافی کے وکیل جواد بولس کا کہنا ہے کہ اس کے موکل کو عدالت میں پیش کیا جانا اس کا حق ہےمگر صہیونی فوج اور عدلیہ ملی بھگت کے تحت فلسطینی صحافی کو انتقامی پالیسی کا نشانہ بنا رہی ہیں۔
خیال رہے کہ صحافی محمد القیق 64 دن سے بھوک ہڑتال جاری رکھے ہوئے ہیں جس کے باعث ان کی طبی حالت نہایت تشویشناک بیان کی جاتی ہے۔