قابض اسرائیلی فوج نے فلسطین کے قدیم شہر بیت المقدس میں تلاشی کی کارروائیوں کے دوران تین بچوں کو حراست میں لے کرنامعلوم مقام پر منتقل کردیا ہے۔ حراست میں لیے گئے بچوں پر اسرائیلی فوجیوں کی گاڑیوں پر
سنگ باری کا الزام عائد کیا گیا ہے۔
بیت المقدس سے مقامی ذرائع کے مطابق قابض فوج نے تینوں بچوں کو السعدیہ کالونی سے حراست میں لیا۔ بچوں کی گرفتاری اس وقت عمل میں لائی گئی جب وہ کالونی کے ایک گراؤنڈ میں کھیل رہےتھے۔
ایک ذریعے کے مطابق حراست میں لیے گئے تینوں بچوں کو القدس میں "القشلہ” پولیس سینٹر میں رکھا گیا ہے، جہاں ان پروحشیانہ تشدد بھی جاری ہے۔ محروسین کی عمریں گیارہ سے پندرہ سال کے درمیان بتائی جاتی ہیں۔
مقبوضہ بیت المقدس۔۔۔ مرکزاطلاعات فلسطین