(فلسطین نیوز۔مرکز اطلاعات) فلسطین کے مقبوضہ مغربی کنارے سے متصل وادی اردن میں گذشتہ روز یہودی دہشت گرد نے اپنی گاڑی معمر فلسطینی خاتون اور اس کی جواں سال بیٹی پر چڑھا دی جس کے نتیجے میں ماں شہید اور بیٹی شدید زخمی ہوگئی۔
رپورٹ کے مطابق اریحا شہر کے قریب سڑ پر چلنی والی فلسطینی ماں بیٹی کو جنونی یہودی آباد کار نے اپنی کار سے ٹکر مار دی جس کے نتیجے میں 60 سالہ زینب الرشایدہ شہید اور اس کی 30 سالہ بیٹی فاطمہ عبد یاسین شدید زخمی ہوگئی ہیں۔ زخمی خاتون کواریحا کے سرکاری اسپتال منتقل کیا جہاں اس کی حالت تشویشناک بیان کی جاتی ہے۔فلسطینی ذرائع نے بتایا کہ فلسطینی خاتون اور بیٹی کو دانستہ طورپر گاڑی تلے کچلا گیا۔ یہ واقعہ جنوبی اریحا میں فصائل کے مقام پر پیش آیا جہاں سڑک کے کنارے چلنے والی دو خواتین جو رشتے میں ماں بیٹی ہیں کو گاڑی کی ٹکر مار کر کچل ڈالا گیا۔
ادھر سلفیت میں سماجی کارکن علی لولح نے بتایا کہ شہرمیں ارئیل یہودی کالونی کے قریب یہودی آباد کار نے اپنی گاڑی کی ٹکر سے ھانی فواد عبدات نامی ایک نوجوان کو کچل ڈالا۔ انہوں نے بتایا کہ ھانی کو نابلس کے ایک اسپتال میں منتقل کیا گیا جہاں اس کی حالت تشویشناک بیان کی جاتی ہے۔