(فلسطین نیوز۔مرکز اطلاعات) صہیونی حکام نے دو روز پیشتر فلسطین کے مقبوضہ شہرعر عرہ میں شہید کیے گئے فلسطینی نشات ملحم کا جسد خاکی اس کےورثاء کے حوالے کرنے سے انکار کردیا ہے۔ قبل ازیں اسرائیلی فوج کی جانب سے بتایا گیا تھا کہ شہید کا جسد خاکی اتوار کو اس کے ورثاء کے حوالے کردیا جائے گا۔
رپورٹ کے مطابق شہید فلسطینی نشات ملحم کا پوسٹ مارٹم مکمل کرلیا گیا ہے۔ اس کا جسد خاکی اتوار کو لواحقین کے حوالے کیا جانا تھا مگر اسرائیلی داخلی سلامتی کے وزیر گیلاد اردان نے شہید کا جسد خاکی ورثاء کو دینے سے انکار کردیا۔
خیال رہے کہ نشات ملحم کو اسرائیلی فوج نے تین روز پیشتر مقبوضہ فلسطین کے سنہ 1948 ء کے مقبوضہ علاقے عرعرہ میں فائرنگ کرکے شہید کردیاتھا۔ ملحم پر الزام ہے کہ اس نے دوہفتے قبل اسرائیلی دارالحکومت تل ابیب میں ایک نائیٹ کلب پر فائرنگ کرکے تین یہودیوں کو ہلاک اور 10 کو زخمی کردیا تھا۔ ملحم واقعے کے بعد جائے وقوعہ سے بہ حفاظت فرار ہوگیا تھا اور اس کی تلاش کے لیے اسرائیلی فوج، پولیس اور دیگر سیکیورٹی اداروں نے بڑے پیمانے پر آپریشن کر رکھا تھا۔