(فلسطین نیوز۔مرکز اطلاعات) مقبوضہ مشرقی بیت المقدس میں ایک ناکے کے قریب ہونے والے بم دھماکے میں دو اسرائیلی فوجی اور ایک یہودی آبادکار خاتون زخمی ہو گئے۔ گزشتہ شب ہونے والے دھماکے میں ایک زخمی فوجی کی حالت "خطرناک” بیان کی جاتی ہے۔
فلسطین نیوز کو موصول ہونے والی اطلاعات کے مطابق زخمی فوجی اہلکار کو عین کارم کے ھداسا ہسپتال علاج کی غرض سے منتقل کر دیا گیا ہے جبکہ دوسرے اہلکار کو جائے حادثہ پر فوری طبی امداد دیکر فارغ کر دیا گیا۔ دھماکے کی شدت سے متاثر ہونے والی یہودی آبادکار خاتون کو کچھ دیر بعد ہواس بحال ہونے پر گھر بھیج دیا گیا۔دھماکے کے بعد قابض فوجیوں نے علاقے میں مزید بموں کے خدشے کے پیش نظر علاقے میں سرچ آپریشن شروع کر دیا۔