شام: سرکاری فوج کی فائرنگ سے فلسطینی خاندان شہید

شام کے دارالحکومت دمشق میں فلسطینی پناہ گزینوں کے یرموک کیمپ پر گولہ باری سے پورا فلسطینی خاندان شہید ہوگیا۔ یرموک کیمپ کے علاقے حجر اسود میں خطیب خاندان کے گھر کو نشانہ بنایا گیا جس سے خاندان کے چار افراد شہید ہوگئے۔

عینی شاہدین نے بتایا کہ یرموک کیمپ کے ایک جانب بسنے والے اس خاندان پر کیے گئے اس حملے میں محمود خطیب، اسکی بیوی سناء خطیب اور دو بیٹے ابراھیم خطیب، چار سالہ، اور حنین خطیب، پندرہ سالہ، چل بسے۔
ذرائع نے بتایا کہ حلا اور علا نامی دو بچے شدید زخمی ہوئے۔ حملے کے وقت ایک لڑکاخالد گھر سے باہر تھا۔ یاد رہے کہ اتوار کے روز بھی شامی دارالحکومت دمشق میں ہی حسینیہ کیمپ پر پانچ میزائل داغے گئے تھے، ان میں سے دو میزائل ایک عید گاہ پر گرے جن کی زد میں آکر پانچ بچوں سمیت سات افراد شہید ہوگئے تھے۔

بشکریہ: مرکز اطلاعات فلسطین