اسرائیلی داخلی سکیورٹی کی انٹیلی جنس ایجنسی نے زور دیا ہے کہ اسرائیلی بنکوں کو کمپیوٹرائزڈ سکیورٹی نگرانی سخت کرنے پر زور دیاہے۔ بنکوں کے کمپیوٹر نظام پر سائبر حملوں کے خوف سے بنکوں کو معلومات کے تحفظ کی قومی اتھارٹی ’’ریم‘‘ کا تعاون حاصل کرنے کا کہا گیا ہے۔
توقع کی جارہی ہے کہ اسرائیلی داخلی سکیورٹی کی تنظیم شاباک اس وقت ان بنکوں کے لیے کمپوٹرائزڈ نگرانی کو لازم کردے گی جب متعلقہ اتھارٹی بنکوں کو وسیع انفراسٹرکچر والی کمپنیوں کی لسٹ میں شامل کرنے کی درخواست کا جواب دے گی۔ واضح رہے کہ اسرائیلی معلومات کے تحفظ کے قانون ان کمپنیوں پر لاگوں ہوتا ہے کہ جو وسیع انفراسٹرکچر رکھنے والی کمپنیوں کی فہرست میں شامل ہوتی ہیں۔ ان کمپنیوں میں الیکٹرسٹی کمپنی، ریلوے کمپنی، ٹیلی کمیونی کیشن کمپنی، سٹاک ایکسچینج اور اسرائیلی مرکزی بنک شامل ہیں۔ تاہم اسرائیلی مرکزی بنک نے ان کمپنیوں کی فہرست میں شامل ہونے میں ہچکچاہٹ کا مظاہرہ کر رہا ہے کیونکہ شاباک کے ٹیکنالوجی نظام کے تحت آنے سے اسے بیرونی سرمائے کے بنکوں سے اڑ جانے کا خوف ہے۔ لیکن بنکاری نظام کے متعدد اعلی عہدیداروں کا کہنا ہے کہ بنکوں کی مخالفت کے باوجود وہ اپنے کمپیوٹرائزڈ نظام کو شاباک کے سکیورٹی نظام کے تحت لانے پر مجبور ہیں۔
بشکریہ: مرکز اطلاعات فلسطین