مرکزاطلاعات فلسطین کے مطابق رام اللہ اتھارٹی کے ایک ذریعے کا کہنا ہے کہ تحریک فتح کی صفوں میں بھی کابینہ میں رد وبدل کے حوالے سے اختلافات موجود ہیں۔ فتح کی جانب سے پانچ اہم وزارتوں کے لیے جماعت کے اندر سے لوگوں کو شامل کرنے کے لیے دبائو ڈالا جا رہ ہے جب کہ وزیراعظم رامی الحمد اللہ ٹیکنوکریٹ کو شامل کرنے کو ترجیح دے رہے ہیں۔
اخبار”القدس” کی رپورٹ کےمطابق وزیراعظم اس وقت سخت دبائو میں ہیں کیونکہ تحریک فتح کے پانچ اہم رہ نمائوں کو کابینہ میں وزارتوں کے قلم دان سونپے جانے کا مطالبہ کیا جا رہا ہے۔ ذرائع کاکہنا ہے کہ ڈاکٹر جواد الناجی کو اقتصادیات، احمد مجدلانی کو لوکل گورنمنٹ کے عہدے دینے کی بات کی جا رہی ہے جب کہ وزیراعظم الحمد اللہ یہ دونوں وزارتیں آزاد شخصیات کو دینا چاہتے ہیں۔
فلسطینی وزیرداخلہ کے نام پربھی اختلافات ہیں۔ عین ممکن ہے کہ یہ عہدہ اختلافات کی وجہ سے وزیراعظم اپنے پاس ہی رکھیں گے۔ تاہم مختلف سیاسی جماعتوں کی جانب سے متفقہ طورپر بریگیڈیئر حازم عطاء اللہ کا نام بہ طوروزیرداخلہ پیش کیا گیا ہے۔
بشکریہ:مرکزاطلاعات فلسطین