"یہودی آبادکاری کے خلاف نوجوانان” تنظیم کے معاون عیسٰی عمرو نے فلسطینی اتھارٹی کی جانب سے ماہ رمضان میں اسرائیلی کارروائیوں پر خاموشی اختیار کرنے کی شدید مذمت کی ہے۔
مرکز اطلاعات فلسطین کو جاری کئے جانے والے ایک بیان میں عمرو نے الخلیل شہر کے آٹھ لاکھ افراد سے اظہار حمایت کے لئے عوامی تحریک کا مطالبہ کیا ہے۔
انہوں نے فلسطینی اتھارٹی کی جانب سے الخلیل کے شہریوں کو کوئی حمایت فراہم نہ کرنے پر حیرت اور مایوسی کا اظہار کیا۔
قابض اسرئیلی فوج نے مغربی کنارے کے مختلف علاقوں خاص طور پر الخلیل میں روزانہ کی بنیاد پر چھاپہ مار کارروائیاں اور حراستی مہمات چلائی جارہی ہیں۔
اسرائیلی فوج جان بوجھ کر تین گمشدہ یہودی آبادکاروں کی تلاش میں مارے جانے والے چھاپوں کے دوران فلسطینی املاک کو نقصان پہنچاتی ہے۔
بشکریہ:مرکزاطلاعات فلسطین