اسرائیلی یہودی آباد کاروں نے مغربی کنارے کے علاقے سلفیت میں فلسطینیوں کے ملکیتی زیتون کے باغات پر حملوں میں اضافہ کر دیا ہے۔ آئے روز فلسطینی کسانوں کے زیتون کے درخت کاٹنے کی اطلاعات سامنے آ رہی ہیں۔
فلسطینی ماہر خالد معالی نے بتایا کہ سلفیت کے یونس ٹاون میں یہودی آبادکاروں کے فلسطینی کسانوں کے ملکیتی زیتون باغات پر حملوں میں بہت زیادہ اضافہ ہوا ہے۔ انہوں نے خبردار کیا کہ یوسف ٹاون اور اسرائیلی فوجی حصار میں آنے والے دیگر فلسطینی علاقوں میں فلسطینی باغات پر یہودی آباد حملے کر سکتے ہیں۔
انہوں نے مزید بتایا کہ زیتون کا پھل اتارنے کے حالیہ موسم کے آغاز سے ابتک ان قصاب میں فلسطینیوں کے باغات پر یہودی آبادکاروں کے پانچ حملے رپورٹ ہو چکے ہیں۔
بشکریہ:مرکزاطلاعات فلسطین