اسرائیل کے جنرل پبلک ریڈیو کے مطابق مقبوضہ مغربی کنارے کے مغربی گاؤں بدرس میں دو اسرائیلی فوجی نوجوانوں سے جھڑپ میں زخمی ہو گئے۔
نسلی امیتاز کی مظہر دیوار فاصل کے قریب واقع بدرس گاؤں میں گزشتہ کئی دنوں سے اسرائیلی فوجیوں اور اہالیاں علاقہ کے درمیان جھڑپوں کا سلسلہ جاری ہے۔
عینی شاہدین نے مرکز اطلاعات فلسطین کو بتایا کہ قابض فوجیوں نے دیوار فاصل کے مغربی گیٹ کے سمت سے احتجاجی نوجوانوں پر حملہ کیا، جس کے بعد گھمسان کا رن پڑ گیا۔
اسرائیلی فوجی نے مظاہرین کو منتشر کرنے کے لئے زہریلی آنسو گیس اور سٹیل بلٹ فائر کئے۔ اس جھڑپوں میں مظاہرین میں کوئی زخمی نہیں ہوا تاہم دو اسرائیلی فوجی زخم چاٹنے پر مجبور ہوئے جنہیں ان کے ساتھی گھسیٹے ہوئے ساتھ واپس لے گئے۔
بشکریہ:مرکز اطلاعات فلسطین