اسلامی تحریک مزاحمت [حماس] کے سیاسی شعبے کے اہم رکن عزت الرشق نے ایک مصری اخبار میں تنظیم کے پولٹ بیورو کے سربراہ خالد مشعل کے اسرائیل سے مذاکرات سے متعلق بیان کی تردید کی ہے۔
مرکز اطلاعات فلسطین کو ارسال کردہ اپنے تحریری بیان میں عزت الرشق کا کہنا تھا کہ "قاہرہ سے شائع ہونے والے المصری الیوم اخبار میں امریکی جریدے ‘فارن پالیسی’ کے حوالے سے خبر کی سختی سے تردید کی ہے جس میں خالد مشعل کے حوالے سے دعوی کیا گیا تھا کہ حماس اسرائیل سے مذاکرات کی خاطر اصولی طور پر تیار ہے۔”
عزت الرشق نے واضح کیا کہ امریکی میگزین فارن پالیسی میں شائع ہونے والے خالد مشعل کے انٹرویو میں المصری الیوم میں ان سے منسوب من گھڑت بیان کا قطعی بیان نہیں ملتا۔
‘المصری الیوم’ نے اپنی حالیہ اشاعت میں خالد مشعل سے بیان منسوب کیا ہے جس کے مطابق حماس اصولی طور پر اسرائیل سے مذاکرات کے لئے تیار ہے۔ اخبار نے خود ہی خالد مشعل کے بیان پر طرح لگاتے ہوئے کہا ہے کہ زمینی حقائق کی روشنی میں ایسے مذاکرات غیر سنجیدہ ہیں۔
بشکریہ:مرکز اطلاعات فلسطین