جے ایس او حیدرآباد ڈویژن کے زیراہتمام ریلی سے خطاب کرتے ہوئے مقررین نے کہا ہے کہ اب اسرائیل کا اختتام قریب آچکا ہے اور صفحہ ہستی سے اس کا مٹ جانا یقینی ہے۔
جے ایس او حیدرآباد کے تحت اسرائیل مردہ باد ریلی
اسلام ٹائمز۔ جعفریہ اسٹوڈنٹس آرگنائیزیشن پاکستان حیدرآباد ڈویژن کی جانب سے ضمیر حیدری کی زیر قیادت اسرائیل مردہ باد ریلی اولڈ کیمپس سے پریس کلب تک نکالی گئی۔ ریلی میں شامل افراد کے ہاتھوں میں پلے کارڈ اور بینرز تھے جن پر امریکہ اور اس کی ناجائز اولاد اسرائیل کے خلاف نعرے درج تھے۔ احتجاج کرنے والے شرکاء امریکہ اور اسرائیل کے خلاف نعرے لگاتے ہوئے مختلف راستوں پر گشت کرنے کے بعد پریس کلب پہنچے جہاں پر شیعہ علماء کونسل حیدرآباد ڈویژن کے صدر مولانا غلام رضا سریوال اور برادر ضمیر حیدری سمیت دیگر نے خطابات کیا۔
مقررین نے کہا کہ اسرائیل امریکہ کے سہارے پر مظالم کر رہا ہے، غاصب اسرائیل یہ نہیں جانتا کہ اس کی کوئی قدر و قیمت نہیں ہے اگر مسلمان مل کر ایک ایک بالٹی پانی ڈالیں تو وہ اس میں ڈوب جائے گا۔ انہوں نے کہا کہ اب اسرائیل کا اختتام قریب آچکا ہے اور صفحہ ہستی سے اس کا مٹ جانا یقینی ہے۔ ریلی کے اختتام پر امریکہ اسرائیل کے پرچم نذر آتش کئے گئے۔