(فلسطین نیوز۔مرکز اطلاعات) فلسطین کے مقبوضہ مغربی کنارے کے شہر جنین میں قباطیہ کے مقام پرصہیونی فوج نے وحشیانہ کریک ڈاؤن شروع کیا ہے۔ شہر میں بڑی تعداد میں فوج تعینات کی گئی قباطیہ کا تمام اطراف سے محاصرہ کرنے کے بعد گھر گھر تلاشی کا سلسلہ شروع کردیا ہے۔
صہیونی فوجیوں نے قباطیہ میں غیراعلانیہ کرفیو اس وقت لگایا جب بدھ کی شام یہ اطلاعات ملیں اس قصبے کے تین فلسطینی نوجوانوں نے بیت المقدس میں مزاحمتی کارروائیوں میں ایک خاتون اسرائیلی فوجی اہلکار کو ہلاک اور متعدد کو زخمی کردیا۔ جوابی کارروائی میں تینوں حملہ آورمارے گئے ہیں۔دریں اثناء مقبوضہ بیت المقدس میں کل بدھ کی شام ہونے والی دو مزاحمتی کارروائیوں کے بعد اسرائیلی وزیراعظم بنجمن نیتن یاھو کی زیرصدارت اہم اجلاس ہوا ہے جس میں امن وامان کی صورت حال کا جائزہ لیا گیا۔ اجلاس میں داخلی سلامتی کے وزیر گیلاد اردان اور اسرائیلی آرمی چیف بھی موجود تھے۔
نیتن یاھو کی زیرصدارت ہونے والے اجلاس میں قباطیہ کے بارے میں چار اہم فیصلے صادر کیےگئے ہیں۔