اسرائیلی فوج نے پیر کے روز مغربی کنارے کے شہر جنین کےعلاقے یعبد اور اس کے اطراف پہاڑوں پر فوجی تربیتی مشقیں شروع کر دیں۔ بڑے پیمانے پر کی جانے والی ان مشقوں میں صہیونی لڑاکا طیارے بھی شرکت کر رہے ہیں۔
فوجی اہلکاروں کی بڑے پیمانے پر علاقے میں موجودگی اور مشقوں سے اطراف کے علاقوں میں خوف و ہراس پھیل گیا ہے۔ مقامی ذرائع نے بتایا کہ مشقیں صرف یعبد کے علاقے تک ہی محدود نہیں بلکہ اردگرد کے متعدد علاقوں تک پھیل چکی ہیں۔ تربیتی مشقوں کے دوران صوتب بموں اور بڑے پیمانے پر تباہی پھیلانے والا اسلحہ استعمال کیا جا رہا ہے۔
اہل علاقہ نے بتایا کہ صہیونی فوجی مشقوں کے سبب سیکڑوں ایکڑ فلسطینی اراضی پر کھڑی فصلیں تباہ ہو چکی ہیں۔ مشقوں کی وجہ سے اس علاقے سےگزرنے والی تمام شاہراہیں بند کر دی گئی ہیں۔ جگہ جگہ ھنگامی چیک پوسٹیں قائم ہیں جس کی وجہ سے فلسطینی شہریوں کو سفر میں بھی شدید مشکلات پیش آ رہی ہیں۔
بشکریہ: مرکز اطلاعات فلسطین