فلسطین کے مقبوضہ مغربی کنارے کے شمالی شہر جنین میں جمعرات کے روز اسرائیلی فوج نے اچانک شہر کے تمام داخلی اور خارجی راستوں پر ناکے لگا کرانہیں ہر قسم کی آمد ورفت کے لیے بند کردیا جس کے بعد گھر گھر تلاشی کا سلسلہ شروع کیا گیا۔ تلاشی کی کارروائی کے ساتھ ساتھ اسرائیلی فوج کی جانب سے جنگی مشقوں کی بھی اطلاعات ہیں۔
مقامی ذرائع نے مرکزاطلاعات فلسطین کوبتایا کہ صہیونی فوجیوںنے جنوبی جنین کےیعبد قصبے کے مقام پر داخلی راستوں کی ناکہ بندی کی۔ اس کے علاوہ مشرقی سمت سے الالمانیہ،جنین بائی باس پروڈ اور کئی دوسرے داخلی اور خارجہ راستوں کی ناکہ بندی کے بعد گھر گھر تلاتی کا سلسلہ شروع کیا گیا۔ تلاشی کی کارروائیوں میں خواتین اور بچوں کو زدو کوب کیا گیا اور گھروں میں موجود قیمتی سامان کی توڑپھوڑ کے ساتھ نقدی اور زیورات لوٹ لیے۔
بشکریہ:مرکزاطلاعات فلسطین