جرمن وزارت خارجہ کی ترجمان نے کہا کہ ان کا ملک مقبوضہ مغربی کنارے اور بیت المقدس میں ایک ہزار مکانات اسرائیلی فیصلے کو تشویش کی نگاہ سے دیکھتا ہے۔ ہمیں خدشہ ہے کہ یہودی آباد کاری میں توسیع فلسطینیوں اور سرائیلیوں کے مابین کشیدگی میں مزید اضافہ کریں گے۔
درایں اثناء اسپانوی وزارت خارجہ بھی ایک بیان میں بیت المقدس میں اسرائیل کے ایک ہزار مکانات کے تعمیر کے اعلان کی مذمت کی ہے۔ بیان میں کہا گیا ہے کہ اسپین فلسطین کے مسئلے کے منصفانہ حل کا حامی ہے۔ اسرائیل کو ایسے اقدامات سے سختی سے گریز کرنا چاہیے جس سے خطے میں قیام امن کی کوششوں کو نقصان پہنچنے کا اندیشہ ہو۔ اسپین نے فلسطین اور اسرائیل کے درمیان براہ راست مذاکرات کی بحالی پر بھی زور دیا۔
خیال رہے کہ حال ہی میں اسرائیلی وزیراعظم بنجمن نیتن یاھو نے مقبوضہ مغربی کنارے اور بیت المقدس میں پہلے سے موجود یہودی کالونیوں میں مزید ایک ہزار رہائشی فلیٹس کی تعمیر کا اعلان کیا ہے۔ نیتن یاھو کے اس اعلان پر عالمی برادری کی جانب سے شدید رد عمل سامنے آیا ہے۔