فلسطین کی ایک بڑی یونیورسٹی "جامعہ بیرزیت” کے طلباء وطالبات کی جانب سے اسرائیلی جیل میں زیرحراست بھوک ہڑتالی فلسطینی اسیرہ ھناء شلبی کے ساتھ اظہار یکجہتی کے لیے دیا گیا
دھرنا ابھی تک جاری ہے۔ طلباء اسیرہ کےساتھ اظہار یکجہتی کے لیے آج ہفتےکوبھوک ہڑتال کریں گے۔
جامعہ البیرزیت میں اسلامی تحریک مزاحمت "حماس” کی طلباء تنظیم”اسلامی بلاک” کے ترجمان نے کہا کہ آج ہفتے کے روز احتجاجی مظاہروں کے علاوہ سب سےاہم اقدام بھوک ہڑتال ہو گی۔ اس بھوک ہڑتال کے ذریعے وہ فلسطینی انتظامیہ کو یہ پیغام دیں گے کہ وہ اسیرہ ھناء شلبی کی رہائی کے لیے ٹھوس اقدامات کرے اور اس کےساتھ ساتھ صہیونی مجرموں کو یہ پیغام دیا جائے گا کہ ھناء شلبی تنہا نہیں بلکہ پوری فلسطینی قوم اس کی پشت پر کھڑی ہے۔
ترجمان کا کہنا تھا کہ وہ بھوک ہڑتال اور دھرنے کا سلسلہ مزید کئی روز تک جاری رکھنے اور مطالبات پورے ہونے تک اپنا احتجاج جاری رکھنے پرغور کر رہے ہیں۔ انہوں نے کہا کہ احتجاجی کیمپ ختم کرنے کے بارے میں میڈیا میں جو اطلاعات آئی ہیں ان میں کوئی صداقت نہیں۔
بشکریہ: مرکز اطلاعات فلسطین