مقامی سماجی کارکن اور دیوار فاصل کی مزاحمتی کمیٹی کے ترجمان محمد عوض نے بتایا کہ منگل کو شمالی بیت امر میں فلسطینی شہریوں نے صہیونی فوج کی ریاستی دہشت گردی کے خلاف ایک جلوس نکالا۔ اس دوران صہیونی فوجیوں نے فلسطینی مظاہرین پروحشی کتےچھوڑ دیے۔ صہیونی فوج کے تفتیشی کتوں نے سولہ سالہ حمزہ احمد خلیل ابو ھاشم کو بری طرح بھنبھوڑ ڈالا اور اسے شدید زخمی کردیا۔ صہیونی فوجیوں نے زخمی فلسطینی نوجوان کو اسپتال لے جانے کے بعد گرفتار کرنے کے بعد نامعلوم مقام پر منتقل کردیا ہے۔
محمد عوض نے بتایا کہ صہیونی حکام نے کتوں کے حملے میں بری طرح زخمی ہونے والے لڑکے کو کتوں کے جبڑوں سے نکالنے کے بعد ایک فوجی جیپ میں ڈالا اور ’’کرمی تسور‘‘ نامی یہودی کالونی میں لے گئے۔
محمد عوض کا کہنا تھا کہ اسرائیلی فوج کے وحشی کتوں نے حمزہ کو بری طرح نوچ ڈالا۔ اس کے کپڑے بری طرح پھٹ گئے اور جسم سے جگہ جگہ سے خون نکل رہا تھا۔صہیونی فوج کی اس درندگی پر حمزہ کے اہل خانہ اور اہل علاقہ نے شدید احتجاج کرتے ہوئے زیرحراست زخمی لڑکے کو فوری اسپتال پہنچانے کا مطالبہ کیا ہے۔
بشکریہ:مرکزاطلاعات فلسطین