ڈنمارک اور امریکا سے تعلق رکھنے والے ڈاکٹرز کی ایک بین الاقوامی ٹیم یوم نکبہ کو اسرائیلی فوجی کی گولی کے نتیجے میں شہید ہونے والے فلسطینی لڑکے کی موت کی تحقیقات کرے۔
اسرائیلی میڈیا کے مطابق فلسطینی لڑکے کے والد نے بچے کی موت کی وجوہات اور حالات کو جاننے کے لئے پوسٹ مارٹم کرنے کی اجازت دے دی ہے۔ یہ تحقیقات 11 جون تک مکمل ہوجائیں گی۔
میڈیا کے مطابق ایک اسرائیلی فوجی کو دو فلسطینی لڑکوں پر ربڑ کی گولیاں چلانے کے الزام میں معطل کردیا گیا ہے۔ مگر زمینی حقائق اور عینی شاہدین کا کہنا ہے کہ اسرائیلی فوجی نے ربڑ کی گولیوں کی بجائے دھات کی گولیوں کا استعمال کیا تھا۔