اسرائیلی وزیرِ دفاع ’’ موشے یعلون ‘‘ نے کہا ہے کہ مقبوضہ مغربی کنارے اور بیت المقدس میں یہودی کالونیوں کی تعمیرو توسیع آئین کے مطابق ہے اور اسے ہر صورت میں جاریر کھا جائے گا۔
اسرائیلی اخبار "ہارٹز” کی رپورٹ کے مطابق وزیر دفاع نے "گوش عتصیون” یہودی کالونی کی سرکردہ یہودی شخصیات کے ایک وفد سے ملاقات میں کہا کہ مغربی کنارے کے جنوب میں پچھلے ڈیڑھ ماہ سے جو یہودی تعمیرات جاری ہیں۔ وہ آئینی اور قانونی ہیں۔ ان کے لیے فوج سے منظوری لینے کی ضرورت نہیں ہے۔ انہوں نے یہودی دیہی کونسلوں کے ارکان سے کہا کہ وہ اپنے اپنے علاقوں میں تعمیرات کا سلسلہ بدستور جاری رکھیں۔
ایک سوال کے جواب میں اسرائیلی وزیرکا کہنا تھا کہ بیت المقدس اور مغربی کنارے کے کچھ علاقوں میں یہودی کالونیوں کی تعمیر کا کام اس وقت شروع کیا گیا تھا جب فلسطینی مزاحمت کاروں نے وسط جون کو تین یہودی آباد کاروں کو الخلیل شہر سے اغواء کے بعد قتل کر دیا تھا۔ یہ تعمیرات ان تین یہودیوں کے قتل کا رد عمل ہیں۔
بشکریہ:مرکزاطلاعات فلسطین