(فلسطین نیوز۔مرکز اطلاعات) اسرائیلی حکام نے ہٹ دھرمی کا مظاہرہ کرتے ہوئے بھوک ہڑتال کرنے والے فلسطینی صحافی محمد القیق کے اہل خانہ کی العفولہ اسپتال میں ملاقات پرپابندی عائد کردی ہے۔
رپورٹ کے مطابق انسانی حقوق کی تنظیم ریڈ کراس کی جانب سے جاری کردہ ایک بیان میں بتایا گیا ہے کہ اسرائیلی حکام نے باضابطہ طورپر القیق کے اہل خانہ کو بھوک ہڑتالی اسیر سے ملنے سےروک دیا ہے۔دوسری جانب القیق کے اہل خانہ کا کہنا ہے کہ وہ اسرائیلی انتظامیہ کے اس فیصلے کو صہیونی سپریم کورٹ میں چیلنج کریں گے۔
خیال رہے کہ انتظامی حراست کے خلاف 88 دن سے مسلسل بھوک ہڑتال کرنے والے فلسطینی صحافی محمد اسامہ القیق اس وقت اسرائیل کے العفولہ اسپتل میں بستر مرگ پرہیں۔ ان کی حالت تشویشناک ہونے کے باوجود اس کی رہائی میں رکاوٹیں کھڑی کی جا رہی ہیں۔ اسرائیلی سپریم کورٹ نے بھی القیق کی فلسطینی اسپتال میں منتقلی کی درخواست مسترد کردی ہے۔