(فلسطین نیوز۔مرکز اطلاعات) فلسطین کے سرکردہ سیاسی رہنما اور فلسطینی قومی پروگریسیو پارٹی کے سیکرٹری جنرل نے ایک بیان میں کہا ہے کہ ملک میں کامیاب بلدیاتی انتخابات کا انعقاد صہیونی توسیعی پروگرام کی ناکامی کا ذریعہ بنے گی۔ انہوں نے تمام فلسطینی سیاسی قوتوں پر زور دیا کہ وہ بلدیاتی انتخابات کو قومی یکجہتی اور اتحاد کا ذریعہ بنائیں اور مل کر صہیونی ریاست کے عزائم ناکام بنائیں۔ ان کا کہنا ہے کہ اسرائیل فلسطین کی سیاسی جماعتوں کے خلاف کریک ڈاؤن کے ذریعے بلدیاتی انتخابات کو سبوتاژ کرنے کی سازش کر رہا ہے۔
فلسطین نیوز کو موصول ہونے والی اطلاعات کے مطابق گذشتہ روز ایک نیوز کانفرنس سے خطاب کرتے ہوئے ڈاکٹر مروان البرغوثی نے کہا کہ تمام فلسطینی قوتیں اپنی صفوں میں اتحاد پیدا کریں تو صہیونی ریاست کے عزائم کو ناکام بنایا جا سکتا ہے۔ ان کا کہنا ہے کہ فلسطینی سیاسی طاقتیں مل کر اسرائیلی پرگرام کی روک تھام کریں اور ملک میں شفاف بلدیاتی انتخابات کا انعقاد یقینی بنائیں۔
ایک سوال کے جواب میں البرغوثی کا کہنا تھا کہ اسرائیل فلسطین میں بلدیاتی انتخابات رکوانے کی سازش کر رہا ہے۔ صہیونی ریاست کی جانب سے اسلامی تحریک مزاحمت ’’حماس‘‘ کے بلدیاتی نمائندوں بالخصوص مرکزی الیکشن کمیشن میں حماس کے مندوب ڈاکٹر حسین ابو کویک جماعت کے سینیر رہنما نضال ابو عکر کی گرفتاری سے انتخابات کو سبوتاژ کرنے کی کوشش کی گئی ہے۔