اسرائیلی سکیورٹی فورسز نے امریکی صدر باراک اوباما کے دورہ فلسطین سے ایک روز قبل القدس میں سکیورٹی انتظامات انتہائی سخت کردیے ہیں، شہر کی شاہراہوں اور تمام کالونیوں میں موجود ہزاروں سکیورٹی اہلکاروں کی موجودگی میں پورا شہر ایک فوجی چھاؤنی کا منظر پیش کر رہا ہے۔
اسرائیلی حکام کی جانب سے مختلف النوع سکیورٹی اقدامات کے باعث شہر میں نظام زندگی مفلوج ہوگیا ہے۔ پانچ ہزار کے لگ بھگ اسرائیلی پولیس کے اہلکار روزانہ کی بنیاد پر شہر کی ہر ہر کالونی میں گشت کر رہے ہیں جن کا مقصد امریکی صدر کی آمد پر سکیورٹی کو یقینی بنانا ہے۔ صدر اوباما کا دورہ بدھ کے روز کے روز شروع ہوگا جو تین دن تک جاری رہے گا۔
اسرائیلی پولیس ذرائع کا کہنا ہے کہ امریکی صدر کی آمد کے موقع پر ہر روز پانچ ہزار پولیس اہلکار شہر کی گلیوں اور شاہراہوں پر گشت کرتے رہے گا، داخلی سکیورٹی کی خفیہ تنظیم شاباک کے اہلکار بھی اس دوران پورے شہر میں موجود ہونگے جن کا کام امریکی صدر کی آمد پر شہر کی سکیورٹی کو یقینی بنانا ہے۔
بشکریہ:مرکز اطلاعات فلسطین