امریکا کی اپنےلے پالک پرصہیونی ریاست پرعنایات جاری ہیں۔ صہیونی میڈیا میں شائع ہونے والی خبروں میں انکشاف ہوا ہے کہ امریکی محکمہ دفاع پینٹا گون "سپر ہر کولیس” ماڈل کا ایک جدید ترین مال بردار طیارہ صہیونی فوج کو عطیہ کرنا چاہتی ہے۔
عبرانی نیوز ویب سائیٹ”والا” نے صہیونی سفارتی ذرائع کے حوالے سے اطلاع دی ہے کہ "سپر ہرکولیس” طیارے کی صہیونی فضائیہ کو حوالے کرنے کے بارے میں امریکی حکام میں بات چیت جاری ہے۔
ذرائع کا کہنا ہے کہ سپر ہرکولیس ماڈل کا یہ طیارہ نہ صرف جدید ترین آلات سے لیس ہے بلکہ یہ فضاء میں انتہائی بلندی پر کھڑا رہنے۔ فوجیوں، جنگی سازو سامان اور بھاری مشینری کو بھی دور دراز کے مقامات تک لے جانے کی صلاحیت رکھتا ہے۔
ذرائع کا کہنا ہے کہ اسرائیلی حکومت نے کچھ عرصہ قبل امریکا سے اس نوعیت کے تین طیاروں کی فراہمی کا مطالبہ کیا تھا۔ تاہم فی الحال امریکا نے ایک طیارہ دینے کی حامی بھری ہے۔ تاہم اسرائیلی فضائیہ امریکی وزارت دفاع کے ساتھ دیگر دو طیاروں کی حوالگی کے لیے بھی بات چیت جاری رکھے ہوئے ہے۔
بشکریہ:مرکز اطلاعات فلسطین