اسرائیلی فوج نے مغربی کنارے کے شہر الخلیل کی جنوبی یہودی بستی نیجھوت کے قریب سے ایک فلسطینی خاتون کو گرفتار کرلیا،
خاتون پر الزام لگایا گیا ہے کہ وہ یہودی بستی پر حملہ کرنے کی کوشش کر رہی تھی، صہیونی اہلکاروں نے پہلے خاتون پر فائرنگ کی اور بعد ازاں اسے حراست میں لے لیا۔ خاتون کے اہل خانہ نے بتایا کہ اسرائیل نے اروی سلامہ السیوطی نامی جس خاتون کو گرفتار کیا وہ یونیورسٹی کی طالبہ تھی۔ وہ نفسیاتی مریض تھی اور یہودی بستی کے دروازے سے بستی میں داخل ہونے کی کوشش کر رہی تھی تاہم اسرائیلی فوج نے اسے گرفتار کرلیا دوسری جانب عینی شاہدین نے بتایا کہ اسرائیلی اہلکاروں نے فلسطینی خاتون پر پہلے فائرنگ کی، خوش قسمتی سے خاتون فائرنگ کی زد میں نہ آئی، صہیونی اہلکاروں نے پھر اسے گرفتار کرلیا، خاتون چلاتی رہی کہ وہ الخلیل کے مغربی علاقے بیت عوا سے ہے تاہم اہلکاروں نے اس کی ایک نہ سنی۔
بشکریہ: مرکز اطلاعات فلسطین