فلسطین کی عسکری تنظیم اسلامی جہاد نے کہا ہے کہ اس کا بیرون ملک کوئی عسکری ونگ نہیں ہے۔ اسلامی جہاد نے اسرائیلی فوج کی جانب سے شام کے علاقے القنیطرہ میں جہاد کے زیرانتظام ایک گروپ کو حملے کا نشانہ بنائے جانے پر اپنے رد عمل میں کہا ہے کہ اسرائیلی الزام تراشی محض بکواس ہے۔ اسلامی جہاد کا بیرون ملک کوئی گروپ نہیں ہے۔
مرکزاطلاعات فلسطین اسلامی جہاد کی جانب سے جاری ایک بیان میں کہا گیا ہے کہ اسرائیل کی جانب سے شام کی حدود کے اندر جہاد کے کسی نیٹ ورک کی موجودگی کا الزام محض جھوٹ کا پلندہ ہے۔ اسلامی جہاد کا عسکری ونگ صرف "القدس بریگیڈ” ہے جو فلسطین کے اندر اسرائیل کےخلاف نبردآزما ہے۔ فلسطین سے باہراسلامی جہاد کا کوئی گروپ موجود نہیں ہے۔
خیال رہے کہ دو روز قبل شام سے اسرائیل کے زیرقبضہ الجلیل شہرمیں متعدد راکٹ حملے کیے گئے تھے۔ اس کے رد عمل میں اسرائیل نے شام کے القنیطرہ شہرمیں میزائل حملہ کرکے پانچ افراد کو قتل کردیا تھا۔ اسرائیل کا دعویٰ تھا کہ مرنے والے اسلامی جہاد کے زیرانتظام ایک عسکری گروپ کے کارکن ہیں تاہم اسلامی جہاد نے اپنا موقف واضح کرتے ہوئے کہا کہ اس کا بیرون ملک کوئی عسکری گروپ نہیں ہے۔ اسلامی جہاد صرف فلسطین کی آزادی کے لیے جنگ لڑ رہی ہے۔