قابض اسرائیلی حکام تمام بین الاقوامی چارٹرز اور قوانین کی صریح خلاف ورزی کرتے ہوئے فلسطینی نونہالوں کے خلاف اپنے ظالمانہ مظالم کا سلسلہ جاری رکھے ہوئے ہے۔ نصف شب کو گھروں پر بلاجواز چھاپے مار کر فلسطینی نونہالوں کو سخت سردی میں گرفتار کر کے صہیونی جیلوں میں ڈال دیا جاتا ہے
جہاں انہیں سخت تشدد کا نشانہ بنا کر ان سے ناکردہ جرائم کا اعتراف کرایا جاتا ہے۔انسانی حقوق کی اسرائیلی تنظیم ‘بتسلیم’ نے قابض فوجیوں کے فلسطینی بچوں پر ڈھائے جانے والے مظالم اور مقبوضہ بیت المقدس اور غرب اردن سے حراست میں لئے جانے والے نو عمر فلسطینیوں پر جیلوں میں تشدد کے طریقوں پر مبنی ایک رپورٹ تیار کی ہے۔
‘بتسیلم’ نے اپنی ویب سائٹ پر اپ لوڈ اس رپورٹ میں بتایا ہے کہ نوعمر فلسطینی بچوں کو غیر معینہ مدت کے لئے گرفتار کر کے اسرائیلی حکام اپنے ہی بنائے کئے قوانین کی دھجیاں بکھیر رہے ہیں۔ زیر حراست نابالغ بچوں سے کسی بڑے رشتہ دار کی غیر موجودگی میں تفتیش کا عمل بھی اسرائیل کے اپنے ہی بنائے گئے قانون کی خلاف ورزی ہے۔
بشکریہ:مرکز اطلاعات فلسطین