اسرائیلی کے عقوبت خانوں میں قید ہزاروں فلسطینیوں میں سے دو رہنماؤں کی اسیری کے دس سال مکمل ہوچکے ہیں محمد شحادہ مقادمہ اور 35 سالہ بلال عبد السمیع حسین عدینی
کا تعلق غزہ سے ہیں جو آج صہیونی قید کے گیارہویں سال میں داخل ہو گئے ہیں۔
فلسطینی اسیران کے مرکز نے بتایا کہ مقادمہ کو مغربی کنارے کے شہر قلقیلیہ سے گرفتار کیا گیا تھا اسرائیل نے ان پر دس سے زائد الزامات عائد کیا جس میں اسرائیلی فوج کانوائے کو اڑانے کے لیے دھماکہ خیز مواد نصب کرنے، ایک صہیونی اہلکار پر چھری کے وارکرنے اور بعض یہودی آباد کاروں پر حملہ کرنے کے الزامات بھی شامل ہیں۔ گرفتاری کے بعد بیس ماہ سے زائد تک بہیمانہ تشدد اور دردناک تفتیشی مراکز سے گزارا جاتا رہا۔
مرکز نے بتایا کہ ان اسیران کو بجلی کے جھٹکوں اور بہیمانہ تشدد کا نشانہ بنایا جاتا رہا۔ مقادمہ نے جیل میں ہی انٹرمیڈیٹ کا امتحان بھی پاس کیا لیکن صہیونی انتظامیہ نے انہیں عبرانی یونیورسٹی میں تعلیم جاری رکھنے کی اجازت دینے سے انکار کردیا۔
بشکریہ: مرکز اطلاعات فلسطین