فلسطینی شہریوں کو مسجد اقصیٰ میں نماز کی ادائی سے روکنا اور نہتے شہریوں کو تشدد کا نشانہ بنانا صہیونی حکام کا روز کا معمول ہے مگرگذشتہ روز قابض پولیس اہلکاروں نے مسجد اقصیٰ کے اندر موجود دینی مدرسے کے طلبا کے لیے لائی کتابیں اندر لانے سے روک دیا۔
مرکزاطلاعات فلسطین کے مطابق فلسطینی محکمہ اوقاف کی جانب سے جاری ایک بیان میں بتایا گیا ہے کہ اسرائیلی پولیس نے مسجد اقصیٰ میں موجود دینی مدرسے کے طلباء کے لیے لائی گئی دینی کتابیں اندر لے جانے سے روک دیا۔ یہ کتابیں مسجد اقصیٰ میں موجود طالبات کے لیےفلسطینی وزارت اوقاف کی جانب سے بھجوائی گئی تھیں۔
وزارت اوقاف کا کہنا ہے کہ کتابیں جب مسجد اقصیٰ کے اندرلے جانے کی اجازت نہ دی گئی تو طالبات کو باہر بلایا گیا اور قبلہ اول کے باہر ان میں کتب تقسیم کی گئیں۔