(روزنامہ قدس ۔آنلائن خبر رساں ادارہ )اسرائیل میں سورج سوانیزے پر آ گیا،سورج کی آگ صہیونیوں کو جھلسانے لگی۔بد ھ کے روز ہونے والی گرمی کے باعث مختلف مقامات پر آگ لگنے سے 131 یہودی جھلس کر زخمی ہوگئے۔
تفصیلات کے مطابق اسرائیل میں گزشتہ روز محکمہ موسمیات نے ہیٹ ویو وارننگ جاری کی تھی ۔اور لوگوں کہ احتیاطی تدابیر اختیار کرنے کی ہدایت کی تھی،تاہم تمام پیشگی اقدامات اس وقت دھرے کے دھرے رہ گئے جب سورج نے آگ برسانا شروع کردی ،گرمی کی انتہا کی وجہ سے مختلف مقامات پر آ گ لگ گئی جس کی وجہ سے 131 اسرائیلی جھلس کر زخمی ہو گئے جب کہ مختلف واقعات میں 200 مکانات اور 10 گاڑیاں بھی راکھ کا ڈھیر بن گئیں۔
اسرائیلی محکمہ صحت کے دعوی کے مطابق گرمی کے باعث 100 سے زائد افراد متاثر ہوئے ہیں۔ شدید گرمی کے باعث دسیوں افراد بے ہوش ہوگئے جنہیں اسپتالوں میں لایاگیا۔ اسرائیل میں انسداد آتش زدگی حکام، فائر بریگیڈ اور دیگر ریسکیو ٹیموںنے متاثرہ علاقوں میں امدادی آپریشن شروع کردیا ہے