مسجد اقصی کے محافظوں نے اسرائیلی انتہاء پسند رکن پارلیمانے ویجلن کے مسجد اقصی میں داخل ہونے کی کوشش کو ناکام بنا دیا ہے۔ صہیونی وزیر موشے ویجلن السلسلہ دروازے سے پارلیمنٹیرینز کی رعایت حاصل کر کے مسجد اقصی میں داخل ہوا تاہم مسجد کے گارڈز نے انہیں باہر نکال دیا۔
فاؤنڈیشن نے بتایا کہ اسرائیلی رکن پارلیمان کی جانب سے کی گئی یہ کوشش انتہائی خطرناک ہے۔ اس طرح کے حملے کروا کر اسرائیلی حکومت مسجد اقصی کو زمانی اعتبار سے مسلمانوں اور یہودیوں میں تقسیم کرنا چاہتی ہے۔
دوسری جانب القدس کے علاقے باب العامود میں اہالیان القدس اور اسرائیلی سکیورٹی فورسز کے درمیان جھڑپیں بھی ہوئی ہیں۔ صہیونی اہلکاروں نے فلسطینی نوجوانوں کو تشدد کا نشانہ بنایا اور تین افراد کو حراست میں لے لیا ہے۔
بشکریہ:مرکز اطلاعات فلسطین