مرکز اطلاعات فلسطین کے مطابق انسانی حقوق کی تنظیم ’’ہلال احمر فلسطین‘‘ کی جانب سے جاری ایک بیان میں بتایا گیا ہے کہ اسرائیلی فوج کی بلا اشتعال فائرنگ کے نتیجے میں پندرہ سالہ امام جمیل احمد دویکات شہید ہوگیا۔ اسرائیلی فوج نے شہید بچے کا جسد خاکی بھی قبضے میں لے لیا ہے۔ صہیونی فوج کی فائرنگ سے اسی پولیس چوکی کے قریب 14 سالہ نائل طلعت ذیاب نامی ایک بچہ زخمی بھی ہوا ہے جسے اسپتال منتقل کیا گیا ہے جہاں اس کی حالت خطرے میں بیان کی جاتی ہے۔
اسرائیلی فوج نے دعویٰ کیا ہے کہ شہید اور زخمی ہونے والے فلسطینی لڑکوں نے پولیس چوکی کے قریب سے گذرتے ہوئے سنگ باری کی تھی جس کے جواب میں پولیس کو گولی چلانا پڑی ہے۔ تاہم صہیونی فوج کے اس دعوے کی تصدیق نہیں ہوسکی ہے۔
بشکریہ:مرکزاطلاعات فلسطین