مقبوضہ بیت المقدس – (فلسطین نیوز۔مرکز اطلاعات) اسرائیلی طیاروں نے منگل کو صبح سویرے غزہ کے شمال مغرب میں حماس تنظیم کے عسکری ونگ القسام بریگیڈز کے ایک ٹھکانے کو حملے کا نشانہ بنایا تاہم کوئی جانی نقصان نہیں ہوا۔
فلسطین نیوز کو موصول ہونے والی اطلاعات کے مطابق یہ کارروائی غزہ پٹی سے اسرائیل کے جنوب میں ایک کھلے علاقے میں داغے گئے راکٹ کے دھماکے کے جواب میں کی گئی۔قابض اسرائیلی فوج نے تصدیق کی ہے کہ یہ راکٹ پیر کی شام داغا گیا تاہم اس کے نتیجے میں کوئی جانی یا مادی نقصان نہیں ہوا۔
اسرائیلی فوج کے بیان کے مطابق مذکورہ راکٹ شعار ہانیگیو کے علاقے میں گرا۔